新一季中超喺周五開鑼，今季特別多人關注，原因梗係唔少球隊都花咗數以億計人仔買新兵啦；除咗恒大同蘇寧之外，升班馬河北華夏幸福使錢都唔手軟，買咗謝雲奴（前）、拿維斯同埋卡古達等球員。周五上演嘅獨腳戲河北作客出戰廣州富力，據講球會特別將揭幕戰贏波獎金由300萬加碼到500萬人仔，果然士氣一振；客軍土耳其守將居呂姆擺烏龍先失守，不過佢將功補過後上入波扳平；到完半場前到謝雲奴發威射成2:1，全取三分。