蘋果日報（3月1日）查找楊岳橋、梁天琦與周浩鼎三人得票最多之票站，初步指出楊岳橋在沙田第一城、翠湖濱景、沙田市中心一帶（即中產聚居之地）得票最多，梁天琦在將軍澳、粉嶺、大埔一啲公屋屋邨有支持，周浩鼎嘅鐵票係鄉村地區，特別係沙頭角及沙田碩門邨得票最多。投票結果嘅地區分佈好明顯指出，新界東中產擁楊岳橋，公屋屋邨年輕選民支持梁天琦，鄉村及某些公屋屋邨投民建聯。梁振英政府好應該反省一下，楊周嘅得票比例與階層分佈雖遵從傳統智慧所預測，但點解住在公屋（即並非富有，或以基層為主）嘅青年就投票俾梁特眼中嘅暴徒呢？梁特曾怪責曾德成做民政事務局局長時，青年工作失敗，現在睇落又幾似，但替代曾德成嘅劉江華局長過往在新界東參選，得票亦係集中於沙頭角等鄉村地方，叻唔過周浩鼎幾多啫，由佢去搞青年工作會好過曾德成咩？木宰羊。
若然新界東選票分佈可以引伸推論嘅話，全港公屋青年都會係反梁特急先鋒，梁特點樣向中央交代？梁天琦得票率最低嘅地區就係沙田駿景園、大埔康樂園與將軍澳維景灣畔，皆屬較為有錢嘅高級中產地方，可見有銀之士不大歡迎梁天琦一派代表嘅無底綫激進派，具備階級性，隱然揭示收入不同人士，政見亦有不同。呢個趨勢如果唔正視，香港勢必走上階級衝突之路。
有評論說泛民分裂為激進與溫和兩派，前者又分裂為議會派和街頭派，將令9月4日的立法會大選有利建制派，這固然是事實，但建制派看來也有自己的痛處，就是民建聯十分倚靠鄉事派，新界北區鄉下尤其是大票倉，假如鄉議局中人為了丁屋、丁權利益，真的組黨或派人參選的話，應可憑鄉間票取得至少一至兩個立法會議席，大大削弱民建聯的得票票數。民建聯本身應無法說服鄉事派，大概只能向中聯辦告急，叫停鄉事派，但鄉事派不是省油的燈，中聯辦有甚麼政治籌碼可以交換來安撫鄉事派？民建聯長期在新界東扎根，但歷次選舉顯示，民建聯／工聯會加起來每次得票率都不足四成，扣除鄉事派支持，更見艱辛，可知得不到新界東中產的支持。今年9月的立法會選舉，民建聯與泛民同是難兄難弟，其內憂不足為外人道。