隔牆有耳：
銅鑼灣喜記執笠　網民畀讚 - 李八方

食肆喜記蟹將軍嘅老闆廖偉文，前年佔領運動期間同佔領人士發生衝突，之後餐廳同亞視一樣，時刻受到網民特別關注。喜記蟹將軍前晚在fb專頁宣佈銅鑼灣分店因市場環境急劇變化，做埋今個月就執笠。消息一出，大量網民即喺專頁留言「恭喜」，唔少人仲用廖偉文反佔領嘅金句「哪有錢」揶揄結業嘅局面。

5,000幾個有畀回應嘅網民中，大部份都以「哈哈」回應或畀like。雖然少咗間分店，不過蟹將軍喺尖沙嘴仲有分舖，銅鑼灣仍有由同集團持有嘅另一間餐廳，今次可能只係暫時退守。有餐飲業人士就話，今年餐飲業市況的確麻麻，尤其係銅鑼灣競爭大、租又貴，市民消費審慎，做食肆生意，今年真係好難頂。