剛剛做了爹哋的陳國坤，昨日繼續在養和醫院陪伴太太黃伊汶和囝囝陳真，略見疲態的陳國坤笑說：「瞓呢度好似看更咁，不過我好願意，瞓瞓吓都會笑醒，我成日都好掛住個仔。佢好懶瞓，又成日咪咀，似我有個酒凹，不過我覺得BB似太太多啲，我唔會呷醋，似佢咪靚囉。」至於太太何時出院？他說：「呢1、2日啦，跟住我會陪佢坐月，唞到4月中。」林子聰和田啟文亦有到醫院探B。