呢幾年嘅香港，要幾荒謬有幾荒謬，連行政會議召集人林煥光（圖）噚日出席無障礙的士服務「鑽的」活動時都話，作為公眾人物，每朝打開手機睇新聞，都有一種欲哭無淚嘅感覺。WK冇講明係乜嘢新聞令佢欲哭無淚，唔知係新東補選泛民勝出、定係「亞視永遠都存在」嘅頭條呢？但佢就話，當日新東補選，佢都觀察到好多年輕助選團好有熱誠同禮貌，會向市民鞠躬，佢重申香港係文明社會，暴力係冇出路，唔會為香港帶嚟民主，只會令香港沉淪。
WK唔回應本土民主前線梁天琦攞到6.6萬票係多定少。至於係咪認同人大譚惠珠所講、每5年換一次特首係damaging？WK話呢個係對方個人意見。佢有幾挺梁，大家心照。