愛爾蘭嘅麥基格將於周六喺拉斯維加斯舉行嘅《UFC196》次中量級賽事，硬撼美國嘅迪亞斯。雖然今場比賽唔涉及金腰帶爭奪，但呢位27歲格鬥王周四喺記者會影宣傳相嗰陣，見到迪亞斯一上台就出晒拳咁挑釁，佢就梗係忍唔住還擊啦。到一堆保安幾經辛苦隔開佢哋，麥基格又繼續發揮寸嘴本色，仲話自己好似萬獸之王獅子，喺擂台上一定會狠狠打殘對手。