網球一姐「細威」莎蓮娜周四出席發佈會，宣傳佢下周二同老友「丹麥甜心」禾施妮雅琪舉行嘅表演賽。呢位34歲球手自從一月澳網決賽輸畀姬芭後，一直都未打過比賽；而佢就話今年首要目標，就係喺里約奧運再爭金牌。至於細威宿敵、俄羅斯嘅舒拉寶娃就飽受左前臂傷患困擾，決定退出下周三展開嘅印第安韋爾斯公開賽；賽會補選哥倫比亞嘅杜姬瑪蓮露頂替。