禮拜日沙田九草兩泥賽事，草地用C欄作賽，呢條對放頭馬頗為有利，以最近2月10日為例，當日十一場賽事之放頭馬，當中七駒跑入前兩名，其中「駿擊快車」、「勇士勁」及「仁仁友福」更加一放到底贏馬，不過中長途後追馬劣勢稍減，如「勇冠王」及「醉必勝」俱在直路從後反先對手勝出。
今戰列陣馬中，六場「仁仁友福」上仗正是於2月10日田C欄快放贏馬，亦係全場唯一贏過此移欄之參戰馬，憑較佳場地性能可爭取連捷。另外，八場「桃花心」三戰田C欄未失前四名，今仗重返二班作賽有利，有力回復表現。
至於兩場泥地分別跑1650米及1800米，泥地中距離其實頗利居中後上馬，近期好似「行星」及「雲呢拿」都係靠追跑入前兩名，以上兩駒今次又有份列陣，值得優先留意。