因逃稅而坐近兩年嘅前拜仁慕尼黑（紅衫）會長漢尼斯周一出獄，周三即刻入安聯睇德甲，唔知係咪入場前冇檻火盆，過晒啲衰氣畀拜仁，搞到隊波主場輸畀緬恩斯（白衫）1:2，爆個20倍冷W同40倍波膽。雖則拜仁繼續以24戰62分排榜首，但次席多蒙特同日作客留力下贏達斯泰特2:0，差距得番五分；拜仁周六作客多蒙特有乜冬瓜豆腐，仲縮窄到兩分。