近日，香港人在6和7之間費煞思量，而Samsung新機Galaxy S7和S7 Edge在外形設計上又的確和上一代S6、S6Edge有幾分相似。記者熟知新機能當然不難分辨，但對於一般用家可能就不是那麼容易明辨6、7了。搶先取得實機，除了記者詳測，也找來不同人士試玩，尋常比較大家一定大讚新機，我們就動點手腳將S7當S6、S6扮S7，倫龍轉鳳，看看他們有甚麼評價了。
S6和S7測試 :
《一路向西》男主角張建聲
開估前覺得S6影相比S7更好看。「我覺得S7比較好揸，但真心覺得相機分別不大，S6好像好一點。」
歌手龍小菌
覺得兩機的自拍照都很有質素，S7拍出來的照片比S6色水白一點。「初初睇分別不大，但試耐咗又覺得呢部（S7）啲相白啲。」
藝人王喜
一摸上手就覺得S7機背比較流線型。「無用開Samsung機，玩落分別唔大，但另一部比較平板，直覺覺得個度curve呢部係新機。」
S6 Edge和S7 Edge測試 :
商台首席智囊陳志雲
開估前覺得S6 Edge比S7 Edge輕薄，但試影相後卻察覺到新機對焦快一點，拍出來的相片光一點。開估後評價：「雖然分不出，但證明我嘅描述係無錯嘅，新機影出來啲相的確較明亮。同埋個曲面屏幕之前覺得唔實用，但真機上手又覺得用嚟睇相邊框夠貼畫面更大。」
作家、電台節目主持陶傑
覺得S6 Edge比S7 Edge輕。「呢部（S6 Edge）明顯輕啲，新功能有防水係非常好，上天下海平民化，最好就做到潛水都用到，24小時on call。」
App開發者李勁華
公司用緊10多部手機的他都分不到S6 Edge和S7 Edge，不過開估後摸真點，又發覺新機不只長身了，邊框亦更貼邊。「舊機係比新機輕，不過睇真啲，新機除咗長身啲，左右兩邊曲屏亦更貼邊。以大芒機嚟講算窄身，單手都摸得盡左右兩邊。」
記者：司徒港燊
攝影：楊錦文、劉永發、鄧鴻欣