版權條例可以拉到3個月，令一眾建制派牙癢癢，泛民一方當然要有全盤部署啦。大家咪以為拉布都係點吓人數、發吓言，除咗要「溫書」睇熟條例，可以隨時彈起身發言15分鐘，點人數時唔出席會議，但都要睇實個會，以防建制突襲等。今次版權一役，泛民會議召集人何秀蘭（Cyd）認真勞心勞力，除咗有份同網民、建制、政府周旋之外，仲要幫泛民編更，以確實每個時段都有人參與發言。不過，要做班長都唔易，有啲盟友對阿Cyd要佢哋預先講定邊段時間得，不過有啲議員好多時都係「已讀不回」。