立法會昨續審網絡23條，上次有馬逢國咒顧嘉煇「離開咗」，今次輪到謝偉俊發偉論。
法律超人開場白講自己當年扮嗰個法律超人差啲被華納兄弟告佢侵權，之後就冇開名暗寸之前表明願意開放作品供二次創作嘅林夕同黃偉文，仲狂踩佢哋「上咗位」、「不思進取」、「食老本」，句句有骨落地。
Wyman（圖）就喺fb對號入座還擊：「失去創作能力、打算抱着幾款舊model食老本食過世的人，才應該更介意被抄襲吧……只有創作力源源不絕的人才不怕大方宴客吧……」
Wyman仲笑謝超人都係二次創作：「你𠵱家又去反二次創作；今日仲講緊廿幾年前嘅呢個造型？我都做咗幾世人啦！食老本嗰個唔知係邊個呢？」