【三星S7襲港】
上星期西班牙Samsung Galaxy S7系列發佈會還弦猶在耳，今個星期已高速到港發佈，並將於3月11日開賣，S7正式開價$5,198，S7 edge則售$5,998。新機外形雖被評跟S6太似，但憑比上一代S6便宜幾百元的驚喜開價，加上實試比拼下超班的暗黑拍攝能力、實用性大大提升的edge曲屏及再次加入眾人期待的記憶卡位和防水功能，S7仍具年度機王的霸氣。
S7和S7 edge分別開價$5,198和$5,998（同為4GB ram、32GB rom），若以S6和S6 edge發佈價來計，分別平了$500和$600，似乎自Note 5後，Samsung刻意對旗下旗艦機調低售價，以加強競爭力和吸引力。單看價錢S7似乎更吸引，但S7 edge的5.5吋屏幕比S7的5.1吋大，3,600mAh電池亦比S7的3,000mAh優勝，但另一方面S7的2.3GHz四核+1.6GHz四核（八核），數字上比S7 edge的2.15GHz雙核+1.6GHz雙核（四核）強得多，可說各有千秋。
夜攝完勝iPhone 6s Plus
在西班牙發佈會上曾強調S7系列相機用上F1.7大光圈和首設的Dual Pixel，加強吸光能力，提升暗黑下對焦和拍攝質素，但現場卻未有暗黑環境實試。今次新機到港，記者便在近乎全黑環境下，以S7 edge、S6 edge和iPhone 6s Plus進行比拼測試，發現S7 edge在對焦上比S6 edge明顯快得多，極少有失焦情況，相反S6 edge就有不停尋找焦點的迷焦情況。相比之下，iPhone 6s Plus的對焦速度就跟S7 edge相近，未有明顯輸蝕。相質方面S7 edge可說是一面倒大勝，明顯更光亮，更能保留細節位，雖仍有雜訊，未至於細滑，但連出名夜攝強勁的iPhone 6s Plus亦明顯地被比下去，已屬非常厲害，即使在光線充足下，S7 edge曝光亦同樣較光鮮。
暗黑攝力大激鬥
記者便在近乎全黑環境下，以S7 edge、iPhone 6s Plus和S6 edge進行比拼測試。
新機逐part睇
1.曲屏更貼更實用
2.Game tools便利打機
3.浸水30分鐘冇有怕
4.全景加拍片新玩法
5.Always On低光睇日曆夠慳電
6.冇得換電 12小時耗電85%
新機始終不如大部份人意願重新加入換電，不過S7的3,000mAh和S7 edge的3,600 mAh就比S6的2,550mAh和S6 edge的2,600mAh多得多，實試S7 edge以極高用量兼最高屏幕亮度下，用約12小時後餘下15%電量，表現比一般旗艦機算相當可人。
edge調亂盲測 新舊難分
S7系列其中一個最為人詬病的地方是設計跟S6系列太似，今日有實機到港，記者特別找來各路名人做測試，訛稱S7為S6、S6為S7，一眾名人初時蒙在鼓裏，只有王喜懷疑過我們的詭計！分清新舊後，各人亦評一評對新機的觀感。
《一路向西》男主角 張建聲
「我覺得S7比較好揸，但真心覺得相機分別不大，S6好像更好一點。」
歌手 龍小菌
「初初睇分別不大，但試耐咗又覺得S7的相較白，而兩機的自拍照都相當很有質素。」
藝人 王喜
「沒用過這品牌手機，玩落分別唔大，但S6機背比較平，直覺覺得機背較有曲線感、較好揸手的是S7。」
商台首席智囊 陳志雲
「分不出那一部是新機，但S6 edge比S7 edge輕薄，但S7 edge影出來啲相較明亮。同埋個曲面屏幕之前覺得唔實用，但真機上手又覺得用嚟睇相邊框夠貼畫面更大。」
作家、電台節目主持 陶傑
「S6 edge明顯輕啲，S7新功能有防水係非常好，上天下海平民化，最好就做到潛水都用到，24小時on call。」
App開發者 李勁華
「舊機係比新機輕，不過睇真啲，新機除咗長啲，左右兩邊曲屏亦更貼邊。以大芒機嚟講算窄身，單手都摸得盡兩邊。」
先達冇人講 預計S7反應一般
新機開價五千多元，頗有驚喜，再到正值寒冬的先達場內看一看市況，發現先達店員對新機都沒太大炒賣期望，流動帝國店長Alex說：「去年iPhone 6s都已經炒唔起，更何況三星手機，整個先達場內都沒甚麼人提起過，相信最主要原因是其外貌和S6太相似，吸引力大大降低。」不過要留意的是S6 edge初出時亦不被看好，但在貨量偏少情況下，最初一兩個月仍有輕微炒風及缺貨。既然有新機出，不少用家都會想trade in換新機，附表可見各個牌子旗艦機的先達回收價，要舊機換新機的話，平均都要補上二、三千元左右。
記者：韓繼聰
攝影：鄧鴻欣
編輯：黃仲兒
美術：吳子豪