學界精英足球賽冠軍將會由董之英同體藝兩支沙西區球隊爭奪！噚日四強對男拔，董之英憑對手上半場嘅烏龍波小勝1:0；男拔教練馮凱文賽後話：「球隊上半場毫無鬥志，畀我鬧完下半場好咗。對手表現較好，賽果合理。」馮sir輸波，徒弟曾昭達就帶領體藝（綠衫）喺四強以1:0擊敗加拿大國際學校，賽後仲眼濕濕話球隊表現無懈可擊，自己冇功勞，都係靠球員。決賽本月22日喺蒲崗村道公園上演。