億元六合彩開彩後，全港打工仔繼續低頭埋首工作，就當發咗場夢。大家可能有一億就好滿足，但其實香港有唔少富豪身家達3,000萬美元以上，即係港紙2.3億，係上期六合彩DOUBLE，稱之為「超級富豪」。
房地產顧問機構萊坊2016年財富報告顯示，香港舊年仍然係亞洲區最多超級富豪嘅城市，但由於舊年唔太好景，所以人數稍微跌6%，得3,854人。萊坊亞太區研究部主管Nicholas Holt就話，舊年內地經濟差、油價跌、股市又插水，大部份內地富豪身家大縮水，全球超級富豪人數都跌3%到18.75萬人，係近十年來首次下跌。大家都慘慘豬！