雖然香港政府唔識嘢，不停搵人鏟走法國街頭藝術家Invader在港留低嘅作品，但街頭藝術確係越來越流行，並且能登大雅之堂。國際拍賣行蘇富比將於本月17至26日喺金鐘蘇富比藝術空間，舉行亞洲首個以「街頭帝王」為題嘅街頭藝術展售會。
蘇富比曾於2014年喺倫敦為英國塗鴉大師Banksy舉行展售會，今次再與倫敦先鋒藝術經理人及策展人Steve Lazarides合作，在港舉辦第二個展覽，當中包括有Invader、Banksy、美國Keith Haring嘅作品，香港代表就有曾灶財。全場有超過40件作品。
政府有關做文化康樂嘅部門，好應該組團帶同事去參觀，吸收一下街頭藝術嘅養份，政府講咗打做西九文化區多年，如果同事對藝術一無所知，就唔係咁好喇。