距離2016歐國盃決賽周揭幕，已經剩番唔夠100日。今屆賽事喺法國舉行，唔少人仍然對上年11月嘅巴黎恐襲（圖）猶有餘悸，歐國盃賽會方面表示，有信心賽事會喺安全情況下順利進行，不過亦都制定咗緊急方案，一旦收到風會有比賽會有受到恐襲嘅危機，就會將比賽移師去第二個球場，或者閉門作賽。另外賽會亦公佈咗決賽周執法球證名單，英格蘭嘅卡頓保同馬田艾堅遜都有份。