F1一眾車隊為咗備戰本月20號展開嘅新賽季，日前喺巴塞隆拿舉行季前試車。「黑帝」咸姆頓喺周三首節用軟胎造出最快圈速1分23秒622，但比起周二用同款車胎嘅平治隊友羅斯保，都係慢0.6秒；而平治宿敵法拉利同日淨係派出維特爾進行測試，但呢位德國車手表現麻麻，只可以完成63圈，圈速亦比黑帝慢0.989秒排第三位，睇嚟平治想稱霸新賽季，並唔係難事。