1，66524票對689票，欠7的梁振英輸凸俾梁天琦，底褲都甩埋！
2，沒有梁振英定性旺角為暴亂，梁天琦無可能拿下六萬多票。梁振英，成功爭取，助選本土，打沉喊鼎！本土部署九月衝選立會，記得搵梁特發功助選！
3，梁特已經N日無影，他不是新界東選民喎，失聯這段日子，除了刪嬲，就是日日打專線，向阿爺匯報，暴徒拿六萬票，肯定有外國勢力操控。新界東，全面被禁止使用暖壺！
4，西環最丟面，鼎！唔使google，原來廢嘅！
5，所謂分離主義份子，繼續賣萌，大把女粉絲讚。吳亮星與他的商界友人很快會WhatsApp問，洗頭艇幾時有班期，送晒班「份子」上船，跟李波住賓館？
6，廢鼎變廢墩，班仆街鄉紳唔肯出掌心雷，果然有料到！
7，田少精叻醒閃，葉劉偏偏攝位喺廢鼎身邊造勢，結果呢？食牛肉心態地穿起養mink遮蓋麒麟臂的葉劉，又試埋錯死位。還妄想選特首？……你邊度留位先？