求驗客手記：
厄國「巴塞」請百歲婆婆跟操

厄瓜多爾有支班霸叫SC巴斯隆拿，英文名同西甲嘅巴塞隆拿一樣，而足智彩就譯咗做巴斯隆拿。我求大俠都係賭自由盃先聽過吓呢隊波，估唔到巴斯隆拿咁有人情味，日前請咗個老球迷去參加操練。102歲嘅瑪莉亞婆婆捧咗巴斯隆拿91年；佢去到訓練場同球員見面，仲撐住助行架踢咗幾腳（圖），真係老當益壯。班球員都好開心，同瑪莉亞擁抱，球會亦送咗件102號波衫畀佢，相當有心。