以下為真實對白。
場景一。
時間：新東補選前一天。
地點：九龍東某屋邨按摩店……正經。
我正享受暴力虐待式按摩，電視機播放候選人最後衝刺新聞。某候選人發表意見。幾個師奶剝花生高談闊論。
「畀佢選到入去香港就真係玩完！書都未讀完，嘢都未做過，學人搞搞震出位。」
「咪係囉，唔係唔畀你做，你讀完書見吓世面先。一味得個講字。」
場景二。
時間：新東補選後兩天。
地點：九龍西某條街的咖啡店……不是連鎖，本土小鋪。
我正忍受店員愛理不理的服務態度，電視機又播放新聞。某候選人發表敗選感言。
幾個90後看得入神，一頭金髮的後生女依偎在男伴肩膊。「呢個人幾叻仔㗎喎。上次有人質佢，話佢可以喺香港讀大學都係靠香港嘅納稅人；佢即刻駁佢，話聽講香港大學係1912年已經成立，仲問番嗰條友佢嗰陣出咗世未。然後就話唔同你講啦中間超人。哈哈！」
再次強調，以上對白，俱為真實。
師奶和90後少女所談論的，都是同一個人物：梁天琦。
上一代看梁天琦不順眼，後生一群讚佢叻仔。
這應該也是今天香港的兩極現象。
師奶以「後生識啲乜」的角度批評，恃老賣老。
他們重視經驗，着眼「過去」；因為上一代最大的優勢，便是「過去」。
請留意，那個90後覺得梁天琦叻仔，並不是因為他「夠激夠勇」，而是欣賞他回應別人「挑機」時的機智和霸氣。也就是說，支持梁天琦的人，不一定是單純受到「武力」感召。如果說支持梁天琦等於支持暴力，後生仔一定覺得成年人「老屈」。
如果，師奶和那個90後少女是母女，她們回到家如何溝通？這個社會又有多少對這樣的「母女」？這個社會，還能溝通嗎？