正所謂「女為悅己者容」，女人貪靚十分正常，但其實男人都好貪靚㗎。新股醫思醫療（2138）旗下DR REBORN市場部高級經理Maggie透露，佢哋嘅男性客戶最鍾意去做treatment去皺，仲有做脫毛療程㖭呀。
男人老狗脫毛！認真估佢哋唔到，咁到底佢哋係脫邊個部位嘅毛呢？登登登凳，原來係脫鬚根呀！
Maggie解釋，唔少男士都覺得剃鬚好麻煩，與其每朝早都要剃，倒不如連根拔起咁話。講得興起，佢仲爆料話，公司行政總裁（CEO）鄧志輝與財務總監（CFO）楊展昀都有做緊呢個脫毛療程喎。
咁下次見到佢哋，華華真係要捉住佢兩位望真啲嘞，話唔定，佢兩位將來可以做埋公司生招牌。不過男人都係有鬚根先夠型嘅！