1950年創辦嘅香港紅十字會昨為西九龍新總部舉行開幕典禮，除香港紅十字會會長楊鐵樑、中國紅十字會會長陳竺、特首梁振英等，前特首曾蔭權同太太鮑笑薇都有出席。咁又係，曾太做特首夫人時，都按慣例身任香港紅十字會會長，肯定有啲感情，撐場都唔突然。至於點解現任特首夫人梁唐青儀唔係按慣例任會長？八方都好想知。
CY喺致辭時話當年，自稱過去係比較頻繁嘅捐血者，當時仲好驕傲咁每日帶住捐血襟針，又笑稱紅十字會可能覺得佢都幾順得人（吓？）同幾積極，皆因佢曾經係heart-beat donor（提供心臟手術血液嘅捐血者），直情係走去葛量洪醫院為當日進行手術嘅病人捐血喎！