相信唔少香港人第一次近距離接觸海洋生物，都係喺海洋公園。海洋公園推出全新買大送細親子優惠，即日至本月22號期間去7-Eleven便利店買成人正價飛一張，憑飛喺31號前去海洋公園入口票務部，就可免費換小童飛一張。
樂園又推出幼稚園同小學畢業套餐。250蚊嘅「海洋公園畢業典禮套餐」除咗入場門票，仲可以同威威獅令影畢業相（圖）等。450蚊「畢業典禮午宴套餐」仲包埋「大熊貓餐廳」或「海洋冰室」午餐或自助餐。套餐參加人數要60至140人，學校要喺45日前預訂。每5名幼園生或每8名小學生參加，就會送一張成人飛予隨行老師。