手機用的觸感筆，都可算係幾無謂的物事！正如「教主」早年話落，用手指頭都做到的事，何必要多用一支筆？不過點都好，今日我買咗人生中第一支！
呢一支叫Touch Pen + Tools觸感筆（$30），如果講觸感部分，可謂乏善可陳，事關都係最傳統的「擦膠頭」中空式設計，用耐咗當膠料老化後，都會與同類型產品一樣，在一次用力的擦動中，破裂成為碎片。不過Tools哪邊，就多姿多采得多！
首先最基本的，是另一邊筆尖位，加入了原子筆功能；筆身特別做成六角形設計，還加內了7厘米及3吋的量度刻度功能；筆身的正中央，還有一顆水平珠，如果將此筆放在相機熱靴頂部，還可做臨時的水平儀；不過隱藏得最深的，還是觸感頭擰開後，竟然還內藏小型的「一字」及「十字」螺絲批，最重要是價錢不太貴，論功能的實用性，感覺比一般隨身的萬用刀還要好。
查詢：展昇（深水埗黃金商場地面42至44號鋪）
記者、攝影:朱崇德