因衰十一而要出庭應訊嘅前新特蘭中場阿當莊臣（AJ）除咗前途盡毀之外，仲連累埋前女友弗蘭德斯。弗蘭德斯早前雖然同AJ劃清界線，但係佢個面書（圖）仍不斷俾人搞，收咗幾千個毒舌留言，於是決定刪咗佢一了百了。另外，AJ喺上月10號承認咀過個15歲女仔之後即時俾新特蘭炒魷，原來佢舊年三月因衰十一被捕之後，同黑貓認咗搞過個女仔，但黑貓為咗護級冇即時炒佢之餘，仲繼續派佢落場。新特蘭早前俾球迷質疑冇即時做嘢，佢哋就以AJ當時係疑犯為理由，不過家陣俾人篤爆AJ自己親口認做過，睇嚟都好難解到畫。