上次谷戰苗禮德憑「多多勁驥」及「馬上發財」起孖，本周三(2日)他又惡馬連場，隨時可以再於谷草建功，其中馬主陳明榮一對名下馬「珍珠旺」及「珍珠有利」被安排齊齊上陣，查以上兩駒今季曾於2月3日一齊跑，結果取得一冠一殿佳績，今次再作相同部署要吼實。
第四場四班1200米之「珍珠有利」，前仗重返四班作賽即跑得接近的第四名，上仗排12檔起步，早段被迫留至包尾位置切入競跑，並非其擅長跑法，但仍能追入一席第五名，今仗內移至二檔，可用採取較主動跑法，加上回配郭能上陣，人馬以往合作兩次獲一勝一位夠晒合拍，故劍重逢，評分比最近贏馬時仲要低，有力反彈重開勝門。
至於第八場三班1650米之「珍珠旺」，近三仗獲兩冠一殿，表現大熟大勇，贏完仍打王牌上陣，觀乎苗廐今季五匹用王牌報名之新勝馬，取得一冠兩亞兩殿，相信此駒縱使初上三班，仍會乘勝追擊。