李斯特城今季喺英超奇兵突出,目前於榜首領導群雄,當中球隊的阿爾及利亞中場馬列斯(圖)表現好鬼搶鏡,亦都係因為咁,李城順理成章成為咗最受阿爾及利亞國民歡迎嘅英超球隊。據報,喺阿爾及利亞當地,馬列斯嘅李城波衫雖然要賣到成60歐元(約504港元)一件,係阿爾及利亞最低月薪嘅40%,但都經常斷貨,認真巴閉!