男拔同董之英噚日喺蒲崗村道公園舉行嘅全港學界精英足球賽八強齊贏，董之英大勝荃灣聖芳濟五球，但唔夠男拔誇張，收起主力都數樂善堂梁植偉九球。男拔同董之英周四就喺四強交手，男拔前鋒何誠淵、董之英中堅歐文洛同效傑志青年軍，睇嚟場波幾有睇頭。另一四強賽由體藝對香港加拿大國際學校。