羅飯焦自創金句：香港社會進入選舉silly season，為了選票，議員可以去到最盡！
啊焦焦，飯食得太飽頂啦，選民唔係阿四，畀嬲容易，畀票就大分歧。政客，sorry，假如有的話，想抓夠票入會，唔能扮儍、詐儍或者谷淚，精精地跟建制派枱底交易，由西環配票，這樣必定四季如春，四季酒店都有得你住，Season in the Sun！
飯飯講silly，不是撕裂，是劍指fb幾日就儲夠20萬嬲的狼特？狼自從一錘定性旺角暴亂後，忽然着草般無影，被曾俊華搶晒頭條風頭。連任選舉工程未開齋，已經被上了一着，一心想連任絕對要超過689票的狼特，抓狂幾可肯定。Silly，會傳染人，梁營中人，已經把暖壺當成偷聽器，今年開展的狼連任拉票活動中，一定會有更多silly舉措！例如：指控偉哥贊助暴徒啦，立例嚴禁本土再穿藍衫啦（因為狼是一男/藍子嘛），成立人肉起底專員督導會姓郭的做主席啦，以校監身份勒令大學生退學啦，差佬水炮車添食區區都有兩架坐鎮啦……時令silly，本季當造的，是狼監粗炮製的密室壓力煲仔飯！飯焦的燶味，真係聞到！（煲仔？是人仔嗎？大家可以聯想。）