岳少女粉絲眾多，「女長毛」雷玉蓮亦係其中之一。喺選舉日原來女長毛都好憂心，佢當日一放工就到沙田為岳少拉票，但囝囝身體不適，惟有提早返屋企照顧佢。但心繫岳少嘅蓮姐囉囉攣，過往有在家求籤習慣嘅佢決定喺屋企「發功」助選，向觀音為岳少祈福，最終求到一支觀音神籤，當日仲即時向八方預告選舉結果。
蓮姐話求到嘅係好罕見嘅「一號籤」（圖），係上籤，籤文內容係「開天闢地作良緣，吉日良時萬物全，若得此簽非小可，人行忠正帝王宣」，解釋係由於本身條件優越，加上時機好，因此獲眾人擁戴，得以成就功名，即刻令蓮姐定番晒，當日已同八方報喜，「（岳少）會選得好辛苦，但最終都會贏」，果然好準喎。