今次補選係因為前立法會議員湯家驊辭職而舉行，而代表公民黨參選嘅楊岳橋更一度被視為湯家驊愛徒，兩人喺2012年新東選舉合組過名單參選㗎！
但隨住道不同不相為謀，湯家驊（圖）前晚現身調景嶺新聞中心時不諱言︰「唔可以揞住良心投唔係同路人嘅票。」佢透露冇投票畀民建聯周浩鼎甚至楊岳橋，反而同新思維黃成智政治理念較相近。
冇投岳少言論一出，網上又出現唔少負評！湯狀噚日喺fb回應：「我不期望一般人明白我的內心矛盾，也難怪責他人質疑我的政治立場；沒錯！政治是骯髒的，這我當上大律師公會主席時已知道，但人在社會，身不由己。」佢透露已祝賀楊岳橋，「始終作為一位朋友，雖然大家政治不同，也為他能一圓從政之夢而高興。」