【本報訊】1億六合彩令打工仔瘋狂，但電訊盈科職工總會主席區啟昌卻淡然處之，「知我嘅人都知我唔買六合彩，嚴格嚟講我中過兩次六合彩。」原來他人生中兩次與六合彩頭獎擦身而過，但比一字不中更痛苦，自知與中獎無緣，故近年已不買六合彩。
30年前為省兩元買少中獎一注
30多年前六合彩僅36個字，每注僅2元，一張六合彩彩票剛夠買5注。當時年輕的區啟昌將36個號碼分為6組購買，12元買齊36個號碼，但當他買了一張5注共30個號碼的六合彩票後，卻遲疑了一下，「剩底6個number（號碼）冇揀到，當時窮困啦，為咗慳兩蚊就冇買。」開獎後他奇怪30個號碼只中一個特別號碼，原來剩下沒買的一注便是中頭獎的6個號碼。
區啟昌其後改為定期付款買定一組號碼，每次10期，「連續買咗6、7個月，好多人係咁樣嘅。」但逾半年都「食白果」，他決定買完最後10期就抽身，「後尾有一期中咗喎！預備去登記攞錢時，先發覺啱啱係第11期。」
當時頭獎獎金購買力遠超今天，區啟昌忘了兩次頭獎的金額，「我好樂觀嘅，係你就係你、冇就冇㗎啦，得個笑字。」最後他決定戒掉買六合彩，「第二次之後就決定以後唔買六合彩喇，真係冇緣，六合彩都係講luck（運氣），都係講彩數。」今日全城熱議1億元六合彩，很多公司員工均夾錢投注，他笑言：「呢啲係人性嚟，唔好話大公司啦，有3個人都可能會發生。」
■記者潘柏林