禁制示威蒙面？大佬，叫良景那批管理員棄罩，真身亮相，任記者影大頭？姓葛的落選區議員無經大腦，這樣哦，A貨上海仔怎樣指揮手下，幫政府出招？連鄭人大都已經一錘定音：旺角磚頭開年那一夜，是有黑嘅！「黑色會」辦事，有組織有紀律更有識認，清一色戴罩！吹雞容易，落場實戰，混入勇武行列，無罩傍身嗎？保證，連黑底金毛都窒步。姓葛的，聽法官話（對獲判無罪的胡椒叔叔講）：幫唔到手，唔該返屋企！
同一時間，叫藍絲糞青針對法官做人肉起底的那位前廉記高層，一言既出，可以聯想，他在任時，請人飲咖啡食平過一千蚊的魚蛋之時，一定熟手起底，起慣手勢，所以退休後依然毋忘初衷……不，他說是初稿，食慣條水，起底成癮，戒唔甩！人肉起底，不是暖壺倒茶，全城最驚的，不是大法官而係梁振英！天曉得下下落重手務必令香港在他任內爆煲玩完的這個人，係乜底？唉，姓郭的，無食過廉記貴價牛腩，起唔到最陰濕那位的底，幫唔到手，唔該返屋企！