周日西甲聯賽，巴塞隆拿又贏一場，主場迎戰西維爾先失守又如何？31分鐘先由美斯射入罰球扳平，易邊後再由守將碧基（右二）入多球反勝2:1。全取三分之後巴塞除咗喺聯賽繼續穩坐榜首，領先次席馬德里體育會八分之餘，亦追平咗由死對頭皇家馬德里保持嘅西班牙球隊紀錄，各項賽事連續34場比賽不敗。不過，巴塞主帥安歷基就對呢個紀錄冇乜感覺：「咁又點？家陣都仲未贏到冠軍。」