法國最強終於要輸波。巴黎聖日耳門（PSG、藍衫）喺周日法甲作客里昂（白衫）以1:2不敵對手，跨季36場聯賽不敗走勢終於玩完；但同日法甲次席嘅摩納哥作客南特都和波失分，PSG𠵱家喺榜首仲領先緊23分，餘下10輪聯賽贏多三場已經可以提早蟬聯。不過，教練白蘭斯就認為一日未贏冠軍，一日都唔可以鬆懈，賽後炮轟球員比賽態度唔夠認真，完全踢唔出應有水準。