新界東補選嘅候選人，前日經全日拉票後，大部份都會搵個地方休息，凌晨先去新聞中心等待點票結果。新思維黃成智都唔例外，佢前晚稍歇後約凌晨1點20分去到點票中心，點知，唔知係咪因為未變身做中間超人，面目反而好模糊，所以一度被職員問佢：「冇晒籌，你係邊個？」皆因公眾人士要憑籌入場，似乎職員根本唔認得佢係其中一位候選人。
而多間網上媒體包括《立場新聞》、《端傳媒》及《香港獨立媒體》等記者，則被拒以傳媒身份進入新聞中心，部份只能領籌以公眾人士身份入場。《端傳媒》引述選管會回覆話，只有獲邀傳媒先能夠喺中心採訪，若媒體不在受邀名單內就不能安排，但未有解釋甄選準則。