持有Dr Reborn嘅新股醫思醫療（2138），搵來明星級投資者陸東做獨立非執董，華華諗起之前陸東做TCL通訊（2618）獨董又做埋代言人，拍咗輯好型仔嘅廣告，唔知醫思，佢又有冇興趣呢?
醫思醫療執董李嘉豪解釋，喺朋友介紹之下認識陸東，「陸生好understand我哋運作，佢對醫療美容好有信心，仲畀咗好寶貴嘅意見㖭啊！」
醫思醫療嘅客仔，九成都係女士，查實男人一樣貪靚，呢個市場有得諗㗎。翻閱招股書，醫療服務約佔集團收入39%，微整形療程就佔62%，當中最多人捧場嘅，係打A型肉毒桿菌毒素（即係打BOTOX），其次係向面部注射透明質酸。唔知陸東有冇興趣試吓集團嘅服務呢？