皇家馬德里喺上周六西甲主場輸畀馬德里體育會，聯賽爭標基本上已經玩完，最慘係基斯坦奴朗拿度（C朗、中）喺賽後直指隊友唔夠班，球隊似乎處於內訌邊緣。據西班牙傳媒推測，C朗嗰句主要係針對中場占士洛迪古斯（右）同埋艾斯高。占士喺上季以重金8,000萬歐元加盟皇馬，上季仲好地地，但今季狀態急瀉；而艾斯高喺今季演出亦庸庸碌碌，C朗都睇唔過眼佢哋毫無貢獻。