唔係新東選民喺2.28、即係噚日有乜好做？財政司司長曾俊華就一朝早入咗元朗大欖郊野公園，為善寧會舉辦嘅「登山善行」慈善活動，主持開幕儀式。雖則係一大朝早已經要殺入元朗咋，鬍鬚曾不知幾咁醒神，咁又係，佢啱啱公佈嗰份財政預算案主打「真．本土」，仲不時寸爆現任特首，自然獲全城讚好，連泛民主派都小罵大幫忙，個別人士仲話佢去選特首好過689爭連任，難怪佢人逢喜事精神爽。而鬍鬚曾都真係好受在場人士歡迎，唔少人拉住佢selfie，鬍鬚曾當然來者不拒，笑笑口同大家合照。