【本報訊】新思維候選人黃成智昨仍堅持有很大機會當選，昨日繼續積極拉票，其間更遇上本土民主前線梁天琦團隊，雙方一度短兵相接。
黃稱有份爭取成立大學
梁天琦批評主張中間路線的黃成智為「30幾年都冇做過嘢嘅政客」，黃隨即反駁：「你今日有大學讀，唔係我哋努力爭取番嚟，你有鬼大學讀！」就讀港大文學院五年級的梁天琦回敬說：「你唔好搞笑啦，香港大學1912年成立，你1912年出世未呀？」香港大學成立於1911年，是香港首間大學。
黃成智覺失言即道歉，「對唔住呀！」梁未有理會轉身離開，但黃繼續上前追問對方為香港民主做過甚麼，梁的助選團即起哄：「仲唔夠瘀咩？走啦中間超人！」
黃事後向記者稱20、30年前很辛苦才入大學，「呢班後生仔入咗大學之後，唔珍惜自己嘅香港，用暴力攻擊唔同嘅人，其實係唔能夠接受」；又指新思維成立至今半年，今次已盡力，「有啲人話我哋𠝹票真係好唔公道，𠝹票使鬼咁辛苦，我係咁行出嚟黃成智，起碼都有兩萬票，我要攞你楊岳橋兩、三萬票話咁易，呢個完全唔公道」。
■記者潘柏林