阿仙奴前鋒耶耶辛洛高（紅衫）季初被借到荷甲阿積士，但冇乜表現，喺呢個月初，佢又被兵工廠借咗去英冠包尾嘅查爾頓，而喺上星期六，查爾頓迎戰雷丁嘅聯賽時，辛洛高就俾一個叫做哥利加利嘅阿仙奴球迷睇死，哥利加利喺社交網頁twitter度話，如果辛洛高喺對雷丁場波入三球，佢就會去祼跑。點知辛洛高真係連中三元，睇嚟哥利加利今次就走唔甩要裸跑喇！不過，辛洛高雖然入三球，但查爾頓都係要輸3:4。