【對港評價】
鍾絳虹被投行界譽為「新股女王」，處理新股不下600隻，「忙到無時間悶」。言談間她頗以香港人轉數快、擅於「度橋」為傲，她早年曾與日本人合作，對其「唔識轉彎、講極都唔聽」的作風，有時亦不禁莞爾。不過，她近年赴日旅遊，卻為日本的人情味所感動，嘆工作多年的香港金融界人情紙薄。
近年新股市場清閒，她偷得浮生，赴日旅遊，迷路、坐錯車亦多次得當地人無私幫助，如一次臨上機回港卻錯乘慢車，眼看將要錯失班機，「個阿嬸同我唔同路，都特登買張飛、送我入站，叫火車司機提我落車，先至離開」，鍾絳虹深受感動。反而在港每日接觸均是行內精英，但合作時的友誼「只係過眼雲煙，單deal完咗，就會四散東西，金融業就係咁……話搵日出嚟傾吓偈，好多時都唔會做」。
對比日本人，她慨嘆香港人不時為速度犧牲質素和信任，更笑言若新股市場再沒起色，「可能會去日本讀短期課程，學日文、浸溫泉」。
鍾絳虹多年來「湊」盡新股，隻隻有故事。普拉達（Prada，1913）屬個人喜好；中國銀行（3988）上市時全民認購，實物白表太多，令她決心發展e-IPO，終在工商銀行（1398）IPO創先河。中金（3908）由合作無間的保薦人，搖身變成上市公司，對其「好有感情」。哪一隻新股可代表她？「冇喎。我好detached（抽離）。」日後若有可代表到她的新股，將會是「與別不同」的新股。