這天第八場1400米女皇銀禧紀念盃，同香港金盃一樣都係國際一級賽，總獎金亦為1,000萬港元。
女皇銀禧紀念盃由阿John蔡約翰馬房封王，他雖有雷神座騎「澳斯卡」退出，但另一駒「詠彩繽紛」單刀赴會下，仍力挫「美麗之星」勝出，蔡約翰取得沙田日賽九連勝，而「詠彩繽紛」今場在嶄新配搭柏寶胯下，3.8倍次熱贏馬，3揀1組合獨贏A1派15元正，勝出練馬師開B3並派32元，柏寶自2014年2月16日「天久」揚威主席短途獎後，兩年來個人首度在港奪一級賽。
「詠彩繽紛」出道兩季累積九捷，當中包括季初連勝本地G3慶典盃及G2沙田錦標，這天奪G1女皇銀禧紀念盃，成就拾級而上，總獎金最新增至逾1,800萬港元。
今場莎莎老闆郭少明家族雙龍出海，「美麗之星」及「美麗大師」順序得二、三名，大熱門「大運財」呢場表現失色只得第四，四重彩派1,180元。
全日最慘其實係雷神，香港金盃大摩本打算讓雷神騎「威爾頓」，但馬主指定用貝湯美，令雷神喪失贏金盃機會。而女皇銀禧紀念盃如果「澳斯卡」早點發現受傷在排位前退出，雷神應會騎「詠彩繽紛」，如今兩項大賽雙失，雷神個人損失獎金過百萬。