繼早前港隊喺沙地阿拉伯劍擊賽勇奪五面獎牌後，香港代表張家朗（圖）上周六喺巴林出戰亞青賽，喺青年組男子花劍賽先後擊敗中國、日本、南韓等亞洲強手殺入決賽，即使喺決賽面對新加坡勁敵Kevin Chan，雙方打到11:11平手，但經驗豐富嘅家朗未有自亂陣腳，最終連拎四分以15:11奪金。除咗家朗外，港隊喺男子少年組花劍團體賽，亦以45:32贏新加坡代表封王。計埋呢兩面金牌，港隊頭兩日賽事已奪得兩金一銀兩銅。