估唔到公民黨楊岳橋，咁多女粉絲。無綫電視節目《學是學非》兩名主持梁嘉琪同李佳芯（Ali），噚日先後喺facebook同instagram疑似表態，各自上載舉起7字手勢相片，並分別指「今日做人可以seven D」及「SEVEN」，又tag埋「#todaytheme」（是日主題）同「#明唔明、#靠你地、#我份人不嬲seven、#seven is a lucky number、#填乜都填7及#六合彩都開7」等。
唔少網民大讚「是非精好波」、「嘉琪好嘢」，又話「夠膽喺網上公開支持7號，女神真係勇敢！！讚呀！！」但亦有人憂慮佢哋星途。