喺以色列舉行嘅2016 RS:X風帆世界錦標賽上周六完美落幕，當日唯一能參加獎牌戰嘅香港代表盧善琳（圖），最終取得第七名，喺女子組總成績排第八；呢個成績係自從RS:X列為奧運項目後，港隊攞到嘅最佳世錦賽成績！另一女將陳晞文就排12。男將鄭俊樑同梁灝雋就分別排第29及31。港隊經過最後一場里奧選拔賽，男、女子組最好成績嘅分別喺鄭俊樑同盧善琳，所以佢哋已經有半隻腳踩咗上奧運列車喇！