【拆局】
今次立法會新界東議席補選任期雖然只有4個月，但競爭之激烈不下於正常大選，從投票率大幅高於2010年五區公投、與2012年大選投票率只差數個百分點可知。有泛民中人分析，今次選舉結果，對建制陣營影響不大，卻會直接左右9月泛民立法會選舉部署，特別是本土民主前線梁天琦得票較外界估計高，對現有走激進路線泛民政黨的衝擊最大，「佢哋有可能喺9月立會選舉，畀呢班後生仔取代」。
或搶走激進政黨選票
有泛民中人分析，今次補選結果對建制派而言，其實無大影響，「反正周浩鼎9月唔會喺新東選，建制立法會選舉點佈陣，唔會有大影響」，反而今次選舉結果，對泛民9月立法會選舉部署會有很大影響，關鍵在於本民前的梁天琦，最終會取得多少票，「如果梁天琦有成五、六萬票，對整個泛民陣營會幾震撼，顯示呢條本土激進路線，真係有好多人支持」，到時泛民各黨難免要思考如何回應這個新形勢。
但有泛民中人認為，相對其他泛民政黨，民主黨、公民黨、工黨衝擊會較少，「民主黨喺上屆立法會選舉，已經冇乜激進年輕人支持，所以影響最細；公民黨、工黨有後生仔票，但唔少係『左膠』，未必會支持本土激進路線」。反而在上屆立法會選舉中，爭取激進年輕人支持的人民力量、社民連、甚至新同盟最受影響，「新同盟上屆用本土立場爭取網民、年輕人支持，我估經過今次補選，好多票會畀更激嘅本土派搶走」。
中文大學政治與行政學系高級講師蔡子強也說，若今次梁天琦得票高，顯示旺角騷亂已非北京、特首梁振英所說，只是小部份人支持，而是確實有一班年輕人以選票表態支持，對北京來說會感到相當震撼。他又同意若梁得票高，必定會令一班本土激進路線團體在9月立會選舉更積極參選，對現時的泛民政黨、特別是走激進路線政黨造成衝擊。
■記者莫劍弦