今次採訪對象係處女黨中堅分子鍾嘉欣，消息指嘉欣BB已婚並懷孕，上機時心情忐忑，好彩事實係去年聖誕前嘉欣已經同Jeremy結婚，𠵱家有咗唔夠三個月，所以先唔認住。嘉欣噚日喺溫哥華補擺喜酒，二十幾個香港傳媒即刻飛去採訪，人生路不熟，第一時間係搵，最多時間係等，所以揀咗間近機場嘅酒店住，一晚港紙1,000元左右，最慘係搵，憑住香港同事查探到男家住址同婚宴舉行場地，好彩最後冇去錯。
其間婚宴場地由本來傳聞中「嗰一間」，變成「三間都有機會！」只好逐間去問！每日開工閒閒哋十二、三小時。地方又大又偏遠，所以行家都買定大大袋零食，好似高卡嘅朱古力，仲有腸仔，隨時醫肚。