環保團體「厭棄皮草公民」噚日下午遊行，逾100人參加，有人身穿反皮草「孝服」，亦有人打扮成滿身鮮血嘅動物，又高舉印有動物屍體照片示威，反對皮草製作過程中，活剝毛皮等不人道行為。佢哋先喺灣仔默站半小時，隨後到舉行緊香港國際毛皮時裝展覽會嘅會展會場外示威。
國際毛皮業協會同香港毛皮業協會就發聲明，批評團體誤導公眾，企圖抹黑；又話製作中沒活剝動物毛皮，要求收番言論。網上噚日亦流傳一張夏蕙BB着皮草坐港鐵嘅相，網民暗諷佢唔應該着皮草，夏蕙BB就大方喺fb回應：「妹妹，唔好傷心啦，件衫40年前亡夫胡生買畀我㗎，嗰陣都唔知道有環保，至多下次唔着啦。」